صدمة اصدقائي" الفصل التالت
الفصل الثالث:
"صدمة اصدقائي"
🌸لا حول ولا قوه الا بالله 🌸
بعد ما انتهت المكالمه بين خالد ودارين كانت فاطمه واقفه وراه دارين مصدومه من اللي سمعته بشكل عام..
فاطمة بصدمه….بتكلمي مين يا دارين
دارين بارتباك….مبكلمش حد
فاطمة…. والله اومال الفون اللي علي ودنك ده بيعمل ايه
دارين بضيق….في اي يا فاطمة هو تحقيق قولت مبكلمش حد
سما….اهدو كده في ايه مالكوا
فاطمه…. تعالي شوفي بقوله بتكلم مين بتقولي مفيش
سما….عادي ما يمكن مبتكلمش حد فيه اي
دارين…معرفش مالك يا فاطمه
فاطمه….ماليش الحق عليا خايفه عليكي وبعدين لم هو مفيش متوترة ليه كده
دارين….هو انا مطلوب مني اجاوب ولا ايه قولت مفيش
سما….اهدي يا دارين فاطمه مش قاصده حاجه انتي متعصبه لي
دارين….ولا متعصبة ولا حاجه انا مروحه مش رايحه الدرس
سما تحاول توقفه …اهدي كده مفيش كلام من ده
دارين وهي تشيل ايده….لا بجد اتقفلت من طريقته في أية تحقيقات ومحاكمة ولا ايه
فاطمه….لا مش محكامه انا بسال عادي لقيتك فجاه تنسحبي من حقي احنا أصحاب
سما وهي تحاول تهدي الامور….فاطمه طول عمره كده يا دارين بتخاف علينا احنا محظوظين بي
فاطمه….ياستي ولا محظوظين ولا حاجه انا هروح الدرس أنا باي
"بعد ما فاطمه مشت وسبتهم عيونهم اتعلقوا فجاه عليه وهي ماشيه هي اعقل واحده فيهم ودائما معاهم وحقيقي الصداقه نصيب وفعلاً نصيبهم حلو"
دارين بدموع….مش اقصد ازعله مني بس بضايق من التصرفات دي
سما وهي تهديه….انتي فعلاً مش قصدك بس معلش سوء تفاهم وهيروح لحاله اهم حاجه كلميه النهارده صالحية عفا الله عما سلف
دارين وهي تمسح دموعه…. تمام يلا
"نهايه اليوم رجعت دارين وعيونه في الإرهاق باين وكمان تعب اليوم باين على صوته وطاقته رجعت وحطت شنطتها على المكتب ولسه بتفك طرحته الفون رن"
دارين بنبرة تعب وإرهاق….الو
خالد بقلق….صوتك ماله
دارين….مفيش ارهاق طول اليوم من الجو ومن الدروس
خالد…. طيب ارتاحي وهبقي اكلمك بعدين
دارين بندفاع ونرفزه….لو سمحت بلاش مكالمات انا مش عاوزه مشاكل ممكن
خالد بصدمه….في أي يا دارين
"دارين سمعت اسمه منه قلبه دق لأول مرة تسمع اسمه منه وكمان في موضوع زي ده وكان قلبه يعلن الاستسلام التام"
دارين فاقت…مفيش مرهقه شويه باي
خالد…باي
"قفلوا هما الاتنين وخالد كان خايف عليه جدااا رغم ان لسه من مدة قصيره لكن الخوف اتولد جوه ومشاعره بقت متعلقه بي، عند دارين قامت تاخذ شور وتأكل علشان تكمل مذكره وتحاول تصالح فاطمه "
دارين….الو
فاطمه….الو
دارين…مكنتش حابه انام وانتي زعلانه مني أسفه مكنتش اقصد اضايقك فهمت خوفك عليا علشان انتي صاحبتي وده من حقك
فاطمه….ياستي انا نسيت
دارين بحب….طول عمرك قلبك ابيض يا فطومه
فاطمه….انا كده معاكوا مش بعرف ازعل منكوا انتوا عارفين إذا كان انتي او سما انتو في مقام اخواتي
دارين….والله بنحبك علشان انتي مننا بجد
فاطمة بحب….ربنا يديم بينا المحبه
دارين…. طيب انا راحه اذكر عايزه حاجه
فاطمه….عايزة سلامتك يا حبيبتي
انتهت المكالمة، فشعرت دارين براحةٍ تتسلّل إلى قلبها، إذ إنّ فاطمة صديقتها منذ زمن بعيد، ودارين بطبعها لا تُحسن أن تغضب أحدًا منها. غير أنّ تصرّفاتها ونبرة صوتها أحيانًا تُثير الضيق في نفس من يُحادثها.
"نفس اليوم بليل عند خالد 💫
والد خالد…. اسمع كلام والدتك محدش عارف مصلحتك غيره
خالد بضحكه عكس اللي جواها….علشان خاطري يا حج سيبوني لحد اما اشوف بنت الحلال
والد خالد….والله هما كتييير انت بقا اللي مغمض عينك
خالد…ممكن بس صدقيني اول ما الاقي بنت الحلال هاجي اخدك ونروح على طول نطلب ايده
والدة خالد بمقاطعة…. انا نفسي اعرف في دماغك ايه انت دلوقتي عندك 23 ماشاءالله اللي قدك اتجوزا وخلفوا كمان
خالد بضحك…. ربنا معاهم وبعدين انا مالي كل واحد له حياته
والد خالد بهمس….انا اتجوزت اهو عملت ايه يعني
والدة خالد بنبره حاده مضحكه…. ابو خالد
خالد….كده هتسكت انا طالع داخل انام مش عايز لغبطه دماغ
والدة خالد….أيوه خليك كده مريح دماغك
دخل خالد غرفته، وأمسك بهاتفه يتفقّد أعماله ويرُدّ على بعض الرسائل المتعلّقة بالشغل، لكنّه مع ذلك لم يستطع أن يتجاهل صدى صوتها الغاضب هذا اليوم. حاول أن يتناسى كلّ شيء، غير أنّه في النهاية وجد نفسه يكتب رسالة.
خالد باهتمامٍ ملحوظ، جلس يتأمل شاشة هاتفه وكأنّه يبحث بين الحروف عن سبيلٍ للاقتراب، ثم كتب لها رسالة هادئة…
عامله ايه دلوقتي
دارين….بقيت احسن اسفه لو اتعصبت عليك النهارده حقيقي كنت مرهقة جدا
خالد….عادي ولا يهمك اهم حاجه تكوني كويسه
دارين…ايوه
خالد….كنت عاوز اعرف منك حاجه
دارين…. اتفضل
خالد….هو لو انا جبت اهلي وجيت اتقدملك اي هيكون ردك
دارين بتردّد، وقلبها يخفق بقوّة، تحدّق في الرسالة بعينين كأنّهما تتعلّقان بها… تتمتم قائلة: "ما الذي ينبغي أن أقوله؟
خالد….ايه كلامى مش مفهوم بقولك لو اتقدم ليكى أي هيكون ردك
دارين….لا مينفعش دلوقتي انا ثانوية عامه وبعدين انت الموضوع سهل كده ليه
خالد بزعل….عندك حق الموضوع مش سهل تصبحي علي خير
دارين وهي من جواها كميه عياط علي الجمله…وانت من اهله
"دارين لسه هتقفل الشات وتنام لكن قلبه زقه تتكلم تاني"
دارين….خالد
خالد بفرحه جواها…نعم
دارين….مكنش قصدي حاجه بجملتي الاخيره متفهمش غلط
خالد….عادي انا فاهم كل كلمه من غير تبرير وعلفكره من حقك طبعاً
دارين….انا قصدي يعني انا تالته ثانوي و كده الموضوع هيبقى مرهق اوي بالنسبه ليا وانا فرهوده
خالد بضحكه…. فرهوده يلهوي لا خالص ناجله بقا
دارين بفضول…. ماشي بس انت مقولتليش انت في كليه ايه
خالد….يعني متعرفيش انا صوري في الكليه منتشرة في الاكونت
دارين…الاكونت بتاعك في كتييير وانا الصراحه بكسل قولت اعرف منك شكلك غامض
خالد….أنا والله لا طيب انا ياستي كليه ذكاء اصطناعي
دارين…. ماشاءالله عقبالي يارب
خالد بضحكه….عايزه تدخلي نفس الكليه
دارين بنبرة هاديه….لا عايزه ادخل طب ودي برده حلوه مش وحشه
خالد بهدوء…. أكيد كل اللى يجيبوا ربنا كويس
دارين ….. أنا هقفل دلوقتي باي
خالد وكأن طفل متمسك بي لعبه….مش ملاحظه انك كل مره انتي بتقفلي
دارين بعدم فهم….ازاي يعني
خالد….عادي ولا يهمك
تاني يوم الصبح ⭐
صحت دارين وهي فيه كميه مشاعره طايره في الجو قائمه من النوم حابه اليوم وحابه نفسها وده بيحصل لأول مرة قامت توضت وصلت وقررت تاخذ النهارده اجازه من المذكرة وتخرج شويه من منطقة الراحة.
🎀الخروج بره منطقة الراحة ضروري ولازم نعمل حاجه جديده ،ولو بسيطة في يومنا مش كل يوم نفس الروتين حاولوا اعملوا أشياء جديدة علشان تعرفوا تكتشفوا نفسكوا أكتر
الأشياء الجديدة البسيطه، دي أساس المرونة وكمان بتخلي آفاق العقل أوسع 🎀.
دارين وهي ماسكه الفون….ماما عايزة فلوس عشان اجيب حاجات ليا
مامت دارين….خدي من على التربيزه متتاخريش
دارين وهى بتظبط طرحتها….حاضر
"نزلت دارين وهي في كمية انبساط النهارده نازله بس مش رايحه أي دروس نازله تشتري لنفسها حاجه حلوه وتشتري منتجات للبشره"
الفون رن وهي لسه داخله المحل.
خالد….اتمني مكنش أزعجت نومك
دارين بضحكه….لا انا اصلا صحيت بدري النهارده
خالد….ايه الشطاره دي عندك دروس النهارده ولا ايه
دارين بتردد….لا معنديش النهارده قررت اخد اجازه
خالد بطمئنان …. اجازه سعيده ليكي بس نبرة صوتك ماله
دارين وهي بتحاول تتهرب…مفيش هقفل دلوقتي باي
"قفلت دارين وهي بتفكر هو مهتم بيه اويي كأنه بتعيش احساس جديد كده كأنه فراشه طايره من حبه ليه وكمان متردده عشان حاجات بتدور في دماغه ولكن تحاول تهدي نفسها عشان ميبنش عليه حاجه"
بعد مرور ساعتين 🕰️ من الشوبينج رجعت دارين في يده شنطة صغيرة كيوته فيه شويه مرطبات وغسول ولاب جلوس.
مامت دارين بضحكه….اشتريتي السوق ولا ايه
دارين بنفس الضحكه….لا دي حاجات بسيطه يعني انا داخله ارتاح شويه
مامت دارين….مش هتاكلي
دارين….لم أقوم إن شاء الله
"دخلت دارين الاوضه و حطت الفون على الشاحن لان فصل منه في الطريق واول ما فتح وصل له مسدجات كتيير من خالد وهي ماسكه الفون وباصه على الشاشة بتضحك ومتلخبطه بسرعه دي كل حاجه اتغيرت"
دارين….الو
خالد…. احلى صوت في حياتي كلها
دارين بضحكه…. شكرا اي كل المسدجات دي بجد انا مش مخطوفه
خالد….بطمن عليكي اتاخرتي بره ولا ايه
دارين وهي بتقلع طرحتها….لسه راجعه والفون كان فاصل
خالد بتفهم….اه علشان كده
دارين….خالد ممكن اقولك حاجه
خالد بجديه…. ايوه طبعاً قولي
دارين وهيه بصه علي الفون…مش عارفه لي في حاجه جت بسرعه مش قادره اعطي عنوان للي بيحصل ابدا
خالد بهدوء…. معاكي حق تتلغبطي بس فعلاً انا مش زي اي ولد وعل فكره انا "مش هيفرق معايا المسافات انا هعديها علشانك "
دارين بعكس اللي جواها…. تمام انا هقفل دلوقتي باي
"دارين قفلت فعلاً وفضلت ترتب المنتجات الجديدة كأنه بتحاول تتهرب من الصوت اللي جواها في حاجة بتقوله كملي وفي حاجة بتقوله فكري ومحتاره بس هي اختارت تتجاهل كل الأصوات وتركز على باقي اليوم "
في الطرف التاني عند اصدقاء دارين وهما قاعدين قدام السنتر في ساعة فاصل بين درسين…
فاطمه….يعني هي قررت من نفسها كده
سما بتبرير….ايوه يمكن تعبت او حاجه لازم ناخد اجازه كده راحه
فاطمه….ايوه بس الكلام ده لو مفيش دروس هي جايه في اكتر يوم وتاخد اجازة غريبه البت دي
سما….هي من ناحية غريبه هي فعلاً غريبة ومختلفة في نفس الوقت
فاطمه….بس انا حاسه ان تصرفاته وهي نفسها بقت فيه حاجه كده مش مضبوطه
سما بعدم فهم…. يعني استوريته وكلامه وسرحانه وبقت تفكر وهي معانا كأن في حد واخد عقلها
سما….ممكن خايفه شويه من الثانوية العامه وكمان هي بتفكر زياده عن اللزوم عادي يعني
فاطمه….ايوه عندك حق بس احنا نفسنا فاهمين دارين اكتر من نفسها دي مش عشره يوم ولا يومين دول سنين
سما…. معاكي حق لو في حاجه هي نفسها هتيجي تقول غير كده بلاش
فاطمه….ايوه ربنا معانا
✨عند دارين كانت قاعده فاتحه يوتيوب بتقلب في علشان تجيب مسلسل المفضل بتاعها طلع قدامه حلقة من بودكاست (اي المشكله) ودارين مشفتش القناه دي قبل كده لكن فتحت الحلقه كانت عبارة عن (إي المشكلة في الارتباط) ودارين فضلت باصه وسامعه الحلقه والكلام اللي بيدور في الحلقه كأن بيحكوا عليه بالضبط ✨
"الحلقه خلصت ولكن في باب هيتفتح وكلام هيتقفل وقرار هتاخد وحياة هتتغير وقلوب هتبعد عن بعض ووصال هيتقطع ورغم كل ده في قلب وصوت بتكلموا في نفس الوقت لكن ده وقت القرار "
بقلم…..أسماء محمد